Surah An-Nas With Marathi Translation | Read Marathi Quran Translation

114. अन् नास - ٱلنَّاس

अल्लाहच्या नावाने जो असीम दयावंत व परम कृपावंत आहे

सांगा, मी शरण मागतो मानवांच्या पालनकर्त्यापाशी,
मानवांच्या बादशाहपाशी,
मानवांच्या खर्‍या ईश्वरापाशी,
त्या दुष्प्रवृत्त करणार्‍याच्या अरिष्टापासून जो पुन्हा पुन्हा परतून येतो,
जो लोकांच्या मनात दुष्प्रवृत्ती निर्माण करतो,
मग तो जिन्नांपैकी असो की मानवांपैकी.

Post a Comment

Thansk For Ur Comment

Quran 4:1 लोकहो, आपल्या पालनकर्त्याचे भय बाळगा ज्याने तुम्हाला एका जीवापासून निर्माण केले आणि त्याच जीवापासून त्याची सहचारिणी बनविली आणि या एकाच जोडप्यापासून समस्त पुरुष व स्त्रिया जगात पसरविल्या. त्या अल्लाहचे भय बाळगा ज्याचा वास्ता देऊन तुम्ही एक दुसर्‍याकडून आपल्या हक्काची मागणी करता आणि नातेसंबंध विच्छेद करण्यापासून दूर रहा. खात्री बाळगा की अल्लाह तुम्हावर लक्ष ठेवून आहे.

Quran 7:158 हे मुहम्मद (स.) सांगा की, ’’हे मानवांनो, मी तुम्हा सर्वांकडे त्या अल्लाहचा प्रेषित आहे जो पृथ्वी व आकाशांच्या राज्यांचा स्वामी आहे, त्याच्याशिवाय इतर कोणीही ईश्वर नाही, तोच जीवन प्रदान करतो व तोच मृत्यू देतो, म्हणून श्रद्धा ठेवा अल्लाहवर आणि त्याने पाठविलेल्या निरक्षर नबी (स.) वर जो अल्लाह व त्याच्या आदेशांना मानतो, आणि अनुसरण करा त्याचे, जेणेकरून तुम्ही सरळमार्ग प्राप्त कराल.’’

Quran 38:29 हा एक मोठा समृद्धशाली ग्रंथ आहे जो (हे पैगंबर (स.)) आम्ही तुमच्याकडे अवतरित केला आहे, जेणेकरून या लोकांनी त्याच्या वचनांवर विचार करावा आणि बुद्धी व विवेक राखणार्‍यांनी यापासून बोध घ्यावा. Quran 39:41(हे पैगंबर (स.)) आम्ही सर्व माणसांसाठी हा सत्याधिष्ठित ग्रंथ तुम्हावर उतरविला आहे. आता जो सरळ मार्गाचा अवलंब करील तो आपल्यासाठीच करील आणि जो भटकेल त्याच्या भटकण्याचे अरिष्ट त्याच्यावरच येईल, तुम्ही त्यांचे जबाबदार नाही.

Surah An-Nas With Marathi Translation | Read Marathi Quran Translation